الناس اللى كل ما يحصل لها مصيبة تسمعها بتقولك اشمعنا انا اللى بيحصل فيا كده

انت عارف الناس اللى كل ما يحصل لها مصيبة تسمعها بتقولك أشمعنى انا اللى بيحصل فيا كده 💔.... خلونى احكى لكم النهاردة قصتين
كان في راجل إنجليزى اسمه "ريك فان بيك" الراجل كان على اد حاله و متجوز بعد فترة خلف بنت سماها مادى ... بعد فترة لاحظ ان البنت فيها حاجة مش طبيعية ..... و تم تشخيص المرض اللى عندها على انه شلل دماغى💔 ..... بقى كل لما يدخل عليها الاوضة يلاقيها بتعيط ..... يبصلها بحسره ويدخل اوضته و يفضل يقول لربنا اشمعنا انا؟! 💔
فضل علي الحال دا فتره طويله و فى مرة و هو بيشيل البنت على كتافه و بيجري بيها اكتشف انها بتضحك اووووووى❤ .... خدها ونزل بيها ع الشارع وجري بيها فضلت تضحك اكتر.... بقى كل يوم يجري بيها ف الشارع مسافات طويله ..... الراجل من كثر الجرى و هو شايل بنته قرر يقدم في سباق ترياثلون وهو سباق ثلاثي يبدأ بالسباحة و بعدين ركوب الدراجات ويخلص بالجري ودخل السباق وهو شايل بنته علي كتفه 😂😂..... اللطيف فى الموضوع بقى ان الناس مكنتش بتبص علي اللي فى المركز الاول ..... إنما كله كان بيبص علي ريك لانه بيعمل حاجه مُختلفه❤ ..... شايل بنته! ..... والاعلام كله ركز معاه والجرايد بدأت تتكلم عنه ...... الراجل اخد مكافأت كويسة و فاز بجوائز و كرموه و ادوله لقب "والد القرن" ❤😃
القصة التانية قصة من التراث الصينى بتحكي عن راجل حكيم من الصين ..... الراجل كان بيمتلك مكان كبير وفيه خيل كثيره وكان من ضمن الخيل ده حصان هو بيحبه اوى ..... وحصل ان الحصان ده هرب في المراعي ومرجعش فجيه الناس عشان يعزوه في فقد الحصان فابتسم وقال لهم: ومن ادراكم ان ذلك شر؟❤
وبعد مده فوجيء الرجل بالحصان بيرجع و جايب معاه قطيع من الجياد .... فلما شاف الناس كده جاءوا عشان يهنئوه ..... فقال لهم الراجل: وما أدراكم انه خير؟ ..... فسكتت الناس عن التهنئه 😃
وبعدها جيه ابنه عشان يركب الحصان فجرى بيه و وقع الولد و انكسرت رجله .... فجيه الناس تانى عشان يواسوه ..... فقال لهم الراجل ومن أدراكم أنه شر؟❤ ....... وبعدها قامت حرب فجمعت الحكومه كل شباب البلده عشان يقاتلوا العدو وتركوا الأبن ده لأن رجله كانت مكسورة .... فجت الناس تهنيه .... فقال لهم: ومن أدراكم أنه خير؟😃
الخلاصة:
متستعجلوش الحكم على قضاء ربنا بأنه شر❤ .... لأن يمكن الحاجة اللى انت شايفها من وجهة نظرك شر تطلع هى الخير كله❤ ..... أو زى ما قال الحكيم فى وقت البلاء "و ما أدراكم انه شر" ..... ياسر حارب بيقول "الايمان حاجه كونية، نحتاجها لكي نحب لا يمكننا أن نحب من لا نؤمن بهم، ولكننا نؤمن بمن نحبهم" ❤و على شريعتى بيقول "إن الوسيلة التي يمكن أن تخلص الانسان من سجن نفسه هي الايمان والحب"❤ و توما الأكويني بتقول "الايمان يمكننا من التعامل مع الاشياء التي ليس لنا طاقة على مشاهدتها، والامل يمكننا من التعامل مع الاشياء التي ليست في متناول أيدينا" ❤ و بتقول كمان "لذلك الذي يحمل الايمان لا تفسيرات ضرورية، ولأولئك الذين فقدوا الايمان لا تفسيرات ممكنة" و إبراهيم الفقى بيقول "كن صديقا للحياة واجعل الايمان راية، وإمض حرا في ثبات إنها كل الحكاية، وابتسم للدهر دوما إن يكن حلوا ومرا، ولتقل إن ذقت هما إن بعد العسر يسرا، واستعن بالله دوما إن بعد الكرب خيرا"❤ .... كلما حاصرنى العسر من كل الجهات أدركت ان اليسر يختبىء فى زوايا قريبة منى إيمانا بقوله تعالى "إن مع العسر يسرا" فإبحثوا عن اليسر تحت أكوام العسر ❤.... فالعسر لا يأتى إلا برفقة اليسر و إن تقدمه بمراحل زمنية ❤..... اتبسطوا و عيشوا و عافرووووووا و انتم متأكدين ان اليسر لازم حيجى❤
صباحكم مليان ثقة فى الله و طمان يملىء قلوبكم
Abeer Youssef