ارشيف جريدة اليوم السعودية سنة 1982.. بعد مباحثات مبارك شارون سيتم الإنسحاب من جزيرتي تيران و صنافير وعودة السيادة المصرية عليهما و رفع العلم المصري علي الجزر.. اهداء إلى من يريد تنكيس العلم المصري.. لعنة الله عليكم..
--
تحديث.. الكلام الصغير اللي في الخبر..
واوضحت أنباء صحفية في القاهرة أن شارون وكمال حسن علي قررا أثناء اجتماعهما يوم الإثنين رفع العلم المصري على جزيرتي تيران وصنافير على خليج العقبة ايذانا بعودتهما إلى السيادة المصرية وكان شارون قد أشار إلى أن هاتين الجزيرتين تدخلان في إطار الإنسحاب الإسرائيلي الأخير من سيناء..
--
شوف يا مؤمن لما شارون نفسه يقولك "تدخلان في إطار الإنسحاب الإسرائيلي الأخير من سيناء".. يعني شارون نفسه قال إن تيران وصنافير أراضي سيناوية وطالما سيناوية تبقى مصرية .. هل لو تيران وصنافير أراضي سعودية كان شارون قال كده وللا كان ماطل ولابط وكان لقى حجة ومبرر لتعطيل الإنسحاب.. ليه شارون قال كده؟.. لأن عمر الجزيرتين ما كانوا محل أدنى شك في مصريتهم.. عمر الجزيرتين ما كانوا تحت سيادة أي حد إلا مصر ولم يتفتق ذهن بني آدم واحد على مر التاريخ بأي شيء غير إن الجزر دي مصرية.. يا أخي ده الجريدة نفسها سعودية اللي ناشره الكلام ده.. هل لو كان للسعودية أي ذرة رمل في الجزيرتين مكنوش اتكلموا مكنوش اشتركوا في كامب ديفيد وقالوا حاسب احنا لينا أملاك في اللي بتتفقوا عليه.. مع العلم إن في الوقت ده السعودية كانت بتقود حملة ضد مصر بسبب كامب ديفيد ونجحوا فعلاً في نقل مقر جامعة الدول العربية من مصر لتونس.. فلو كان لهم أي حاجة كانوا ع الأقل طالبوا بيها أو جابوا سيرتها ولو حتى من باب تعطيل الإتفاقية اللي اعترضوا عليها ونقلوا بسببها جامعة الدول من مصر.. مش عارف أقول إيه تاني عشان الناس تفهم..
محمد رجب
0 تعليقات
أكتب تعليق على الموضوع