ياسر الهوارى يطرح تساؤلات عديدة بعد اندلاع أزمة فتاة البي بي سي

زبيدة

منذ اندلاع أزمة فتاة البي بي سي اااا وحدثنا الكثيرين عن رأينا في هذا الموضوع وبما اننا لا نمتلك الكثير من المعلومات بحثنا عن أفضل تحليل أو بالمعنى الأدق بحثنا عن أفضل التساؤلات ووجدنا هذا التحليل عند الناشط ياسر الهواري وإليكم التفاصيل

حول مقابلة عمرو اديب لزبيدة اللي نظام السيسي فعلا كانوا خاطفينها ...
في البداية : هي ليه المقابلة ما كانتش على الهوا مباشرة عشان كل حاجة تبقى عادي لو مافيش حاجة خايفين منها ..!؟
الزوج : سعيد محمد عبد العظيم علي .. مواليد الجيزة في ٢٩ يناير ١٩٦٦ يعني ٥٢ سنة..!
الزوجة : مش مكتوب الاسم بس تاريخ ميلادها ١ اغسطس ١٩٩٣ سوهاج .. يعني ٢٥ سنة و نص..!
اولا : بذمتكم دا شكل واحدة ينفع تتمسك و يعتقلوها في مظاهرة و تقعد في المعتقل ٤ او ٥ شهور !؟ ليه !؟
دي ممكن يكون الخطر منها !؟
زبيدة قالت ان فيه ظروف مانعاها من كلام امها سنة بحالها ..!! خير !؟ اللي هي ايه !؟
عمرو بيقولها : امك قالت انك اتقبض عليكي و اتحبستي اربع خمس شهور ..!؟
ردت قالت لأه ..
قالها قبل السنة اللي ما شوفتيش فيها امك ..!؟
قالت لأه ..
المونتاج اشتغل و راح سألها باستغراب : انتي ما اتقبضش عليكي خالص !؟
قالت هي مرة واحدة و كنت انا و والدتي ..
و كانت مظاهرة في عبد المنعم رياض ضد الدستور ، يعني في بداية ٢٠١٤
عمرو سألها : حد عذبك في السجن ، حد تعرضلك باي شيء يسيء ليكي !؟ ما حصلش خالص ان حد كهربك !؟
قضيتي الاربع شهور بتوع السجن عادي جدا !؟ قال يعني لو دا حصل ها تقوله لا اتعذبت و اتكهربت ..!
- ردت و قالت : اه قضيتهم انا و والدتي ..
- سالها : هل فيه حد عذب والدتك !؟
- ردت : ما شوفتهاش ما كانتش معايا !!! ( مع انها لسة قايله انها كانت معاها في السجن !!)
- عمرو سألها : ما حاولتيش مرة تديها تليفون او تبعتيلها مرسال !؟
- ردت : ما كانش ينفع ..
- سألها عمرو : امك عارفة انك متجوزة !؟
- - ردت : لا ما تعرفش ..!!
الزوج : سعيد عبد العظيم بيقول انه كان في حزب الحرية و العدالة ، يعني مع الاخوان المسلمين ..
- كدا يبقى اخوان و خاطف واحدة و متحوزها و هو اكبر منها ٢٨ سنة !؟ و كان فيه واحد من اخواتها يعرف و مع ذلك ما قالش لامه ان اخته متحوزه .. و دي عيلة صعايدة على فكرة ..
- عمرو بيسأل الراجل بعد ما عرف انه في حزب الحرية و العدالة : انت متعاطف مع الاخوان !؟
- الراجل ما ردش ..!!
- عمرو قاله عادي قول ما يهمكش ، انا ليا اصحاب اخوان ...!!
رد سعيد و قاله : و احنا كمان عندنا اصحاب اخوان ..
- عمرو سأله : هل فيه حد بيضايقك في الشغل عشان انت اخوانجي !؟ - سعيد رد قال لا طبعاً ..
- عمرو رجع سأل زبيدة :ليكي اخوات و بيسالوا عليكي !؟
- ردت : اكيد يعني بيسالوا ..!!
عمرو سالها : فيهم حد عارف انك متجوزة !؟
- ردت قالت لأه ..!
هنا بقى قاطعها سعيد و قال واحد بس عارف ..!!
( يعني عندها اخواتها عارفين انها متجوزة و بيسالوا عليها و في نفس الوقت ماحدش عارف منهم غير واحد بس .. و مع ذلك ما راحش قال لامه انها عايشة و متجوزة ..)
- البنت تاريخ جوازها من مارس ٢٠١٧ ، و امها قالت انها اختفت من ابريل .. !!! ايه بقى !؟
- عايزك بقى تشوف عيون البنت و هو بيقولها : طول الاربع شهور ما فيش عسكري و لا ظابط شرطة لمسك !؟
- البنت زاغ بصرها و الله و عملت تؤ ببقها ..! يعني لأه .. ( لأه اللي هي كلها اااااااه ..!!)
- عمرو بيقول للبنت في حد في الاستوديو دا بيخوفك او بيهددك !؟
و بعدين يسال الراجل : هو البيت دا و العمارة دي بتاعتكم !؟
قاله اه و فيه بيت تاني ها نروحه النهاردا او بكرة ..!!
عمرو بيسأل زبيدة : انتي شايفة حال البلد ازاي !؟
- ردت قالت : انا مش شايفة حاجة ..
- الراجل في الاخر بيقوله لو فيه حاجة مضايقانا ها يبان علينا صح !؟