أول حوار جرئ مع البنات بعد خلع الحجاب .... القرار واحد واختلفت الأسباب

كتب : شهر زاد الثورة_محمد اكسجين

أول حوار جرئ مع البنات بعد قلع الحجاب .... القرار واحد واختلفت الأسباب

ولاء  : انا قلعت الحجاب بعد 20 يوم من موت واحد صحبى اسمة محمد الجندى مات فى عهد الاخوان
سلمى : بعد قلع الحجاب اخويا كان رافض يخرج معايا أساساً و كنت بسمع كلام مش ظريف
صابرين : كنت محجبة لابسة ضيق كنت بشعر انى بسئ للمجبات الآن انا اكثر وضوحا مع نفسى

أكسجين : لبس الحجاب كان قرارك الشخصى ولا حد اجبرك عليه ؟؟ و. س : . انا 45 سنة ..ارملة م 12 سنة ...وبشتغل ( فى استيراد الملابس وكنت مجبرة على لبس الحجاب..... ولاء : 29سنة وأعمل بالتسويق : الحجاب كان قرار شخصى نسرين :عمرى 38 سنة : لبس الحجاب كان قرار شخصي بحت تغريد الخطيب 24 سنة حاصلة ليسانس حقوق وأعمل ممثلة : ماما اجبرتنى على لبس الحجاب سلمى مضيفة طيران 31 سنة : لبس الحجاب كان إجبار نفسي .. والدى توفى و والدتى فضلت ورأيه إنى البسه علشان الناس وعلشان بتتحاسب عليه وكده صابرين حسين 25 سنة صحفية : مكنش قرار شخصى كان غصب من أهلى لان العادات والتقاليد بتقول إن البنت لم بتوصل لسن معين لازم تتحجب ومع الوقت اتعودت علية وبقى خلعه صعب بالنسبالى

أكسجين : ليه خدتى قرار ارتداء الحجاب ؟؟

.. و. س.اخدت قرار لبسة لارضاء الناس فقط ولاء : للأسف لبسته سنه 2004 بسبب عمرو خالد ولقآته وكنت بحاول ارضى شخص مرتبطة بيه نسرين : خدت القرار بعد ما ناس من زمايلي في الشغل قعدو يكلموني كتير وان دة احسن ليا واني كدة برضي ربنا تغريد الخطيب : غير ضغط ماما كمان علشان انا اصلى من بلد فلاحين فالمجتمع بيحتم عليا سلمى : أخدت القرار كان علشان اريح والدتى وارضيها صابرين : مختش قرار لارتداء الحجاب القرار كان قرار أمى وأخويا

سلمى : بعد قلع الحجاب اخويا كان رافض يخرج معايا أساساً و كنت بسمع كلام مش ظريف

أكسجين : وايه سبب التخلى عنه الآن ؟؟

و. س : سبب التخلى عنة تأكدت ان الناس المحيطين بية ملهمش قيمة عندى ولاء : لانى قريت كتير واكتشفت انه ملوش اى دلائل واضحة فى الدين نسرين : اتخليت عنه لما لاقيت نفسي مفيش اي تغيير من جوايا وان بالنسبه ليا ماهو الاتغيير مظهر مش اكتر يعني لا قلبي اتغير ولا زودت في اداء الفروض ولا دفعت زكاة زيادة كل حاجة زي ماهي حتي الضحكة ليها صوت عالي زي ماهي مفيش خشوع من جوايا تغريد الخطيب : ان قررت أعيش حياتى زى ماانا عاوزه بحريتى

سلمى : سبب التخلى عنه انى فضلت 6 سنين لبساه عمري ما حسيت انى لبساه علشان الدين او ربنا لكن علشان ارضي الناس للاسف ده كان احساسي صابرين : قرارت انى اخلع الحجاب لشعورى بالنفاق بأنى مش بعمل بية اطلاقا

صابرين : كنت محجبة لابسة ضيق كنت بشعر انى بسئ للمجبات الآن انا اكثر وضوحا مع نفسى

أكسجين هل اسباب ارتدائك للحجاب أو قناعتك بيه اتغيرت ؟؟

و. س : ... مقتنعة بالحجاب ولكن مترددة فى لبسه ولاء : اه كنت مقتنعة بس اسباب لبسى ليه وقناعتى بيه طبعا اتغيرت نسرين : قناعتي بالحجاب زي ماهي لكن هو بعد تجربه مكمل مش اساس يعني مينفعش ابتدي من برة وجوة مفيش تغيير او البسه عشان الناس كلمتني لازم اكون بلبسه عشان ربنا سلمى : والدتى بعد سنين قالتلى انها ندمت انها اجبرتنى عليه وبما انى مش حباه قلعته ودى كانت قناعتى أكسجين : ايه اكتر حاجة اثرت فى قناعتك بالحجاب ؟؟ و. س : نظرة الناس للبنت الغير محجبة على انها بنت سيئة ولاء : مش فاهمة السؤال تقريبا بتسالى عن اكتر حاجة خلتنى البسة كان كل صحابى البنات لبسوة وقتها بسبب عمرو خالد نسرين : قناعتي بالحجاب زي ماهي لكن هو بعد تجربه مكمل مش اساس يعني مينفعش ابتدي من برة وجوة مفيش تغيير او البسه عشان الناس كلمتني لازم اكون بلبسه عشان ربنا

نسرين : إكتشفت ان اللي كانوا بيكلموني فيه من الاخر مش قاعدين ع السجادة بس عاوزين اكون السبب في تغفير ذنبوهم ياخدو ثواب علي قفايا

أكسجين : احساسك ايه بعد خلع الحجاب وهل نظرة الناس اتغيرت ليكى ؟؟

و. س : احساسى بعد خلعة انى اتقربت من الله اكتر ... لانى فلحظة قررت ابطل كذب على ربنا ... هو عارف انى لبسة الحجاب مش لارضاء الله ولكن لنول رضى الناس فقط ولاء : احساسى كان رااااااائع حسيت فجاة انى حُرة زى ما يكون طايرة طبعا نظرة الناس اتغيرت وانا كنت عارفة قبل ما اقلعه انة دة هيحصل بس كنت خلاص اخدت قرارى نسرين : احساسي بعد قلع الحجاب راحة نفسية حسيت اني متصالحه مع نفسي واني مش بعمل حاجة غصب عني عشان شوية ناس كلموني عليها سلمى : بعد ما قلعته حسيت انى مرتاحه لان سبب لبسه من الاول كان غلط .. انا ملبستوش عن قناعة ولا كنت حسه ان ربنا راضي صابرين : شعورى بعد خلع الحجاب اختلف بالتأكيد بقيت اكثر وضوحا ونفس استيل لبسى زى ما هو لكنى لن اخجل انى محجبة لابسة ضيق كنت بشعر انى بسئ للمجبات أكسجين : يعنى تعامل الناس اختلف قبل وبعد الحجاب ؟؟

و. س : .اه نظرة الناس تغيرت للاسوأ ولاء: لا مش لدرجة ان التعامل يتغير وخصوصا القريبين ليا بس كان عندهم علامات استفهام كتير وانا من الاول حسمت الموضوع وقررت مش اكلم فية لا فى الحياه ولا حتى على الفيس بوك كل الى عملته نزلت صورتى من غيره وبس سلمى : نظرة الناس اكيد اتغيرت اولهم اخويا كان رافض يخرج معايا أساساً و كنت بسمع كلام مش ظريف

أكسجين : ايه ردود الأفعال اللى قبلتك فى الحالتين ... لبسه وخلعه ؟؟

ولاء  : انا قلعت الحجاب بعد 20 يوم من موت واحد صحبى اسمة محمد الجندى مات فى عهد الاخوان

و. س: الحالتين رد الفعل كان عادى وغير مؤثر ولاء : لما لبسته مكنش فية ردود افعال كان عادى لما قلعته كان فية الى مع قرارى والى ضدة طبعا على فكرة انا قلعت الحجاب بعد 20 يوم من موت واحد صحبى اسمة محمد الجندى مات فى عهد الاخوان وكان من الناس القريبة ليا اوووووى لما مات فكرت انة خلاص الدنيا هتخلص وانا لسة مش قادرة انفذ قرار وخداة من فترة طويلة نسرين : نظرة الناس اللي حواليا اول ما لبسته طبعا اللي هوبارك الله فيكي وانتي زي القمر فيه والذي منه كلام استهلاك محلي وبعد ما قلعته حالة صمت ومحدش فتح بوقه دة غير اني اكتشفتهم علي حقيقتهم اللي كانو بيكلموني فيه من الاخر مش قاعدين ع السجادة بس عاوزين اكون السبب في تغفير ذنبوهم ياخدو ثواب علي قفايا عشان هما مش قادرين علي نفسهم مش اكتر تغريد الخطيب : مكنش فيه رد فعل من حد لان كنت سبت المجتمع الى بيجبرنى على لبسه سلمى : ردود الافعال اول ما لبسته مبروك و ايوه كده و ربنا خلقك جميلة واخلاقك عاليه كان ناقصك الحجاب وكده ماشاء الله و بعد ما قلعته فيه اللى معلقوش ودول غالبا اصحابي البنات و فيه اللي قالوا ليه واللى قالوا ربنا هيحاسبك و اللى بطلوا يتكلموا معايا صابرين : لابد ان يكون فى حملات توعية للشباب فى كيفيه احترام المراة اذا كانت محجبة او لا وتصحيح الافكار المتوراثة لدى المصريين بان المراة الغير محجبة تكون سئة لازم يتعلموا يتعلملوا مع المراة انها انسان كامل وليست جسد

تغريد الخطيب : ان قررت أعيش حياتى زى ماانا عاوزه بحريتى

أكسجين : الحجاب فى الدين الإسلامى يمثل ايه ... يعنى فرض ولا سنة ولا حرية شخصية دون إلزام ؟؟

و. س : الحجاب فالدين الاسلامى طبعا فرض من فروض الله واعترف انى مقصرة فهذا الفرض ولاء : الحجاب فى الدين لا يمثل اى حاجة الحجاب موروث ثقافى ملوش اى وجود فى الدين نسرين : الحجاب فرض وانا عارفه دة زي اي فرض تاني ربنا امرنا بيه وانا مقتنعه دة تماما والايات في القران واضحة

تغريد الخطيب : اعتقد انه فرض سلمى : سؤالك بخصوص الحجاب بيمثل ايه في الدين الاسلامى صعب انى ارد عليه لانى مش عالمه لكن فيه ابحاث عاملينها علماء وواخدين دكتوراه من الازهر ان الحجاب مش فرض و فيه كتب بتفسر نفس الآيات الخاصه بالحجاب ذي إن نساء المسلمين يلقين بخمورهن على جيوبهن تفسيرات تانيه بعيده عن تغطية الشعر وزوجات علماء الدين والامه في فتره أوائل التسعينات مكنوش بيغطوا شعرهم و بدأت الموجه ديه مع المصريين اللى جايين من السعودية وطبعاً فيه قصاد ده أئمه كبار وليهم احترامهم بيقولوا أنه فرض الصلاه والزكاه والحج و حاجات تانيه كتير فرائض فيه محجبات ملهومش دعوه بيه أهمها الاخلاق ومبقولش المحجبات بقول بعض علشان انا مبعممش فليه الحجاب يتاخد على انى كويسة او لا .. دينى ده بينى وبين ربي ومش محتاجه بنى ادم يقولى انا علاقتى بربي ايه وتتشكل ازاى .. انا ممكن البس الحجاب و بعدين اعمل في الخفاء اللى انا عيزاه هل ده ساعتها هيخلينى كويسة ؟؟؟ للاسف في مجتمعنا الإجابة اه لانه مبنى على المظاهر

أكسجين : هل فى علاقة بين التحرش وبين خلع او لبس حجاب ؟؟

. و. س : التحرش بقى سمة شعب لادخل بلبس البنت بية .. بنشوف منقبات وبيتم التحرش بهم ولاء : لا الحجاب ولا الشعر ولا حتى النقاب لية علاقة بالتحرش الى بيتحرش بواحدة كل الى عاوزة يلمس جسمها وبس سواء متغطى او لا نسرين : التحرش فكر مسيطر مالوش علاقه باللبس احنا عايشين في مجتمع مريض من الاخر اسباب التحرش ليها اكتر من جزء جزء راجع للتربيه وجزء راجع لشيوخ الجوامع طبعا الشيوخ الحلوين اللي بيحللو ويحرمو علي مزاجهم وجزء راجع للدوله ومنها الاعلام لكن احمل واحد فيهم لوحدة يبئا ظلم تغريد الخطيب : مافيش علاقه بين الحجاب والتحرش سلمى : اجابتك هتلاقيها في زمن والدتى ووالدتك .. اعتقد ان العلاقه اكبر مليون مره ما بين اسلوب التربية و الافكار اللي بنزرعها عن طريق الاعلام والافلام و غياب الرقابه الاسرية والتحرش ليه طفل عنده 6 سنين بيتحرش وليه اهالينا كانوا بالمينى جيب ورغم كده الظاهرة ديه مكنتش موجوده المشكله مشكله اخلاق للاسف

و. س : ليه نظرة الناس للبنت الغير محجبة على انها بنت سيئة

أكسجين : تفتكرى ايه اللى يخلى الشباب يبطل تحرش ..وايه التصرف الإيجابى اللى تعمله الناس لمنع متحرش ؟

و. س : التحرش سببة الاساسى عدم التربية الصحيحة......المشكلة من داخل الاسرة ...مطلوب برامج توعية لنشر الادب والاخلاص ولاء : التصرف الايجابى ان الناس تساعد البنت لما تصرخ ومش يعملو من بنها ساعتها اى حد هيتحرش بواحدة هيفكر الف مرة قبل ما يعمل دة نسرين : اللي يخلي الشباب يبطل تحرش استخدام الطاقه البشرية دي في حاجة مغيدة لكن في كتير بيستسهل ومش عاوز يشغل مخه او يفكر في حاجة مفيدة تغريد : الكبت هو الى بيخلى الناس تلجا للتحرش وعدم الوعى سلمى : اولا قانون رادع حقيقي وده مش هيتنفز لان للاسف حاميها حراميها و تربيه صح بتبدا من البيت قبل المدرسه تركز على جوهر الدين مش شكله والاخلاق والنخوه اللي ماتت و ده بردوا صعب يتحقق في مجتمع الام فيه بقت مبتشوفش ولادها والمدرس همه الدرس الخصوصي قبل اى حاجه مشكله كبيره صعبه تتحل في الزمن ده وعلى فكره انا اختى كمان قلعت الحجاب بس ديه كانت لبساه عن اقتناع

------------------------------------------------------------------------------------------------- اكسجين مصر