بالفيديو: متهم بسرقة محمول يخرج جثة مليئة بالثقوب من قسم المطرية .. وكسر بالجمجمة والضلوع ونزيف داخلى واصابات آخرى

جثة المواطن عادل عبد السميع

كتب:شهرزاد الثورة/تصوير: محمد اكسجين

عادل عبد السميع صيام كان اشترى محمول من واحد واتارى صاحب المحمول كان متابعه وعمل له كمين بالقرب من قسم المطرية وعندما حاصرته الشرطة والقت القبض عليه أعطى المحمول لصاحبه وقال انه اشتراه من شخص ورغم ان صاحب المحمول قال ان عادل لم يكن هو من سرق منه المحمول .. فكان رد ضابط الشرطة . انت خد المحمول وامشى ملكش دعوة بالباقى .. وفعلا تم اقتياده لقسم شرطة المطرية وفضل تحت التعذيب لمدة 14 يوم لحد ما استمناه جثة مخرمة .. احنا منعرفش لحد دلوقتى ايه السبب انهم يعملوا فيه دة كله دة ولد محترم وهو 

وحيد لأمه وهو المعيل ليها والناس كلها تشهد له ومش عضو فى جماعة ولا تنظيم ولا أى شئ وثبت انه مسرقش محمول ولا حاجة وحتى لو سرق مش المتهم برئ حتى تثبت ادانته ازاى ممكن يتعمل فيه كدة فين الرحمة والإنسانية ,و ازاى كانوا بيعلقوه وينشنوا عليه بالرصاص .. الجسم كله اصابات كسر فى الجمجمة كسر فى الضلوع ونزيف داخلى .. والصور فيها مشاهد بشعة للتعذيب غير الحاجات اللى مدارية عمل ايه فى حياته عمل ايه علشان يتعذب بالشكل دة احنا بعد ما عملنا الثورات دى علشان نعيش بكرامتنا ازاى يعيش كدة الشاب دة اللى لسة مدخلش دنيا وعنده 29 سنة ليه يتعذب وتروح حياته .. احنا مش عايزيين غير حقه واللى عمل فيه كدة يتعمل فيه نفس الشئ احنا مش عايزيين تعويض من حد ولا حاجة اللى عمل الجريمة دى لازم يتحاسب وبس .





--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه